মুখ্য পৃষ্ঠা
06/04/2515:00
•এটা ঠিকনা বিচাৰি•
দিবানৈশ মৃত্যু মুখী জীৱন ৰেল গাড়ী
উশাহত বন্দী এটি অচিনাকি চিফুঙৰ সুৰ
ঝিলিৰ বিকত আৰ্তনাদত ,
ৰাতি শুব নোৱাৰি ।
অজুহাত লাগে মাথো
জীৱনৰ মায়া এৰিবলৈ ।
দুখৰ পোচাক জোকাৰি
শব্দত উজুটি মাৰি
দিনবোৰ বাগৰে নষ্টালজিয়াৰ বাটেৰে ।
মোক এমুঠি বিৰহ লাগে
মৃত্যুক ভাল পাব পৰাকৈ ।
কিজানি পাওঁ নকৈ পুনৰ জনম
এখন সুখী সমাজৰ বাবে ।
য'ত থাকিব আকাশৰ দৰে শান্তি
সাগৰৰ গভীৰতাৰ দৰে ভালপোৱা
অনুভৱ মোৰ শ্যামলীমা পাহাৰৰ দৰে ।
নতুন বোৰ ক'লা দিৱসৰ
স্বিকৃতি নহ'বও পাৰে ।
উদযাপন আৰু নকৰো
বিধৱা আইৰ উচুপনিৰ উৎসৱ
অথবা এন্ধাৰ ৰাতিত মাতালৰ নৃত্য ।
মোক এটা অজুহাত লাগে ,
মৃত্যুক ভাল পাব পৰাকৈ ।
© ৰাজু কলিতা
